Shangilieni kwaya Arusha tangu miaka ya 90 yaturusha mpaka leo hii.

 

Kwaya ya Tumaini Shangilieni kutoka Arusha, Tanzania, imekuwa na mchango mkubwa katika muziki wa injili nchini tangu miaka ya 1960. Ilianzishwa katika Kanisa la Anglikana la Mtakatifu James, Kaloleni, Arusha, kwaya hii imeendelea kuwa maarufu kwa nyimbo zake zenye ujumbe wa kiroho na zinazogusa mioyo ya waumini.

 

Katika miaka ya 1990 na 2000, nyimbo zao kama "Nuhu", "Hivi Vita Vimekoma”,  "Ilikuwa Alfajiri",  “Shangilieni” na "Habari ya Mwana Mpotevu" zilipata umaarufu mkubwa, hasa wakati wa sikukuu za Kikristo kama Krismasi na Pasaka. Nyimbo hizi ziliwasaidia waumini wengi kuelewa na kuhisi ujumbe wa injili kwa njia ya kipekee.

   
    Baadhi ya wanakwaya wa Shangilieni kwaya Arusha.  

Hadi leo, Tumaini Shangilieni Choir inaendelea kutoa albamu mpya na nyimbo kwenye majukwaa mbalimbali  mtandaoni kama  vile YouTube na majukwaa mengine. Albamu yao ya hivi karibuni, "Yupo Mungu", iliyotolewa mwaka 2023, ina nyimbo kama "Yesu Ee", "Ewe Moyo Wangu", na "Kama Si Wewe Bwana". 

Mchango wa Tumaini Shangilieni Choir katika muziki wa injili nchini Tanzania ni wa thamani kubwa, na nyimbo zao zinaendelea kuwa baraka kwa vizazi mbalimbali mpaka leo hii.