Mahalia Jackson, aliyezaliwa Oktoba 26, 1911, huko New Orleans, Louisiana inasemekana ndio mwimbaji wa nyimbo za injili mwenye ushawishi mkubwa duniani na aliyewahi kuuza nakala nyingi Zaidi duniani kwa upande wa muziki wa injili, Mahalia Jackon anashikilia rekodi hiyo ya kuuza Zaidi ya kopi milioni 22 ya nyimbo za injili.
Mwaka 1947, Jackson aliachia wimbo wake maarufu "Move On Up a Little Higher," ambao uliuza nakala zaidi ya milioni nane na kumfanya kuwa nyota wa kimataifa. Nyimbo zake nyingine zilizopata umaarufu ni pamoja na "He’s Got the Whole World in His Hands," "I Can Put My Trust in Jesus," na "Silent Night." Alikataa kuimba nyimbo za kidunia, akisisitiza kubaki kwenye muziki wa injili pekee.
Mbali na mafanikio yake ya muziki, Jackson alikuwa mshirika wa karibu wa harakati za haki za kiraia. Alishiriki katika matukio muhimu kama vile Maandamano ya Washington mwaka 1963, ambapo aliimba kabla ya hotuba ya Martin Luther King Jr. Pia aliimba katika mazishi ya King mwaka 1968, akionyesha mchango wake mkubwa katika harakati hizo.
Mahalia Jackson alifariki Januari 27, 1972, kutokana na matatizo ya moyo. Urithi wake katika muziki wa injili na mchango wake katika harakati za haki za kiraia unaendelea kukumbukwa na kuheshimiwa duniani kote.
Kwa wapenzi wa gospel classic jams unaweza kutafuta nyimbo za Mahalia Jackson kwenye majukwaa yote mitandao ukainjoi muziki mzuri wa injili.
0 Comments